दैलेखमा नबालिक युवतीलाई बिवाह गरेको आरोपमा एक युवक पक्राउ परेका छन । दुल्लु नगरपालिका ४ का दिनेश थापाले एक नबालिक युवतीलाई गत माघ ८ गते ललाई फुलाई बिभिन्न प्रलोभनमा पारेर बाल विवाह गरेका जिल्ला प्रहरी कार्यालय दैलेखका सूचना अधिकारी इन्द्रजित सुनारले बताए ।थापाले ती युवतीलाई घरमा ल्याई राखेको भन्ने प्रहरीमा जाहेरी परेको पश्चात उक्त घटना बारे थप अनुसन्धान गर्न उनीहरु दुवै जनालाई प्रहरीले नियन्त्रणमा लिएको जनाएको छ ।उनीहरु माथि सम्मानित दैलेख जिल्ला अदालतबाट माघ १० गते देखी लागुहुने गरी पाँच दिन म्याद अनुमती गरी अनुसन्धान कार्य भई रहेको जिल्ला प्रहरी कार्यालय दैलेखले जनाएको छ ।
00
