दाङ– दाङको घोराहीमा ‘दाङ औद्योगिक, पर्यटन तथा कृषि प्रर्दशनी’ हुने भएको छ । उद्योग वाणिज्य संघ दाङका अनुसार २६ फागुनदेखि ८ चैतसम्म महोत्सव आयोजना हुन लागेको हो ।
संघका अध्यक्ष टंकसिंह बुढाथोकीले कोरोना महामारीका कारण धरासयी बनेको अर्थतन्त्रको उत्थान र कृषि, पर्यटन प्रवर्धनमा टेवा पु¥याउने लक्ष्यका साथ महोत्सव गर्न लागिएको बताए ।
महोत्सवमा औद्योगिक तथा व्यापारीक वस्तुहरुको हस्तकला, कृषि, जडिबुटी तथा पर्यटन सूचना एवं सूचना प्रविधिको प्रदर्शनी गरिनेछ भने विभिन्न प्राविधिक विषयमा जानकारी तथा विज्ञसहितको अन्तरक्रिया पनि हुनेछ ।
महोत्सवमा करिब ५ लाख दर्शकहरुले अवलोकन गर्ने र करिब २० करोड रुपैयाँ बराबरको आर्थिक कारोबर हुने विश्वास आयोजकको छ ।
00
