आफ्नै श्रीमतीको हत्या गरेको अभियोगमा पक्राउ

सल्यान जिल्ला कुमाख गाउँपालिका–५ तिम्ले बस्ने ४७ वर्षीय युवालाई आफ्नै श्रीमती हत्या गरेको अभियोगमा मंगलबार राती प्रहरीले प्रकाउ गरेको छ । ४२ बर्षिय श्रीमती कली खड्काको हत्या गरेको आरोपमा ४७ वर्षीय कविराम खड्कालाई प्रहरीले प्रक्राउ गरेको हो । घरायसी विवादको कारण मादक पदार्थ सेवन गरी कबिरामले आफ्नै श्रीमतीलाई धारिलो हतियार (बसुलो) प्रहार गर्दा उनको घटनास्थलमै मृत्यु भएको भन्ने खबर प्राप्त हुनासाथ जिल्ला प्रहरी कार्यालय सल्यान र ईलाका प्रहरी कार्यालय राँगेचौरबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको जिल्ला प्रहरी कार्यालय सल्यानले जानकारी दिएको छ ।