काठमाडौं जिल्ला शंखरापुर नगरपालिका–३ बोझेनी बस्ने ५२ वर्षीय पदम बहादुर थिङ र उनकै श्रीमती ४५ वर्षीया फुल मायाँ थिङ आफ्नै घरमा बिहीबार मृत अवस्थामा फेला परेका छन् । उनीहरुले बुधबार राति कोठामा कोइला बाली झ्याल ढोका बन्द गरी सुतेको बुझिएको छ ।यसैगरी सिन्धुली जिल्ला सुनकोशी गाउँपालिका–३ झागाझोलीस्थित सुनकोशी नदीको बिच भागमा हाल नाम, थर, वतन नखुलेकी अन्दाजी २५ वर्षीया महिलाको शव बिहीबार फेला परेको छ । यसैगरी ओखलढुङगा जिल्ला लिखु गाउँपालिका–४ मोसाबारीस्थित निर्माणाधीन सामुदायिक अस्पातलमा लेबर काम गर्ने दैलेख नोमुले गाउँपालिका-३ घर भएका ३१ वर्षीय मन बहादुर विक मोसाबारीस्थित बाटो नजिक बिहीबार मृत अवस्थामा फेला परेका छन् ।यसैगरी धनकुटा जिल्ला सागुरीगढी गाउँपालिका–३ ईनामे बस्ने ६० वर्षीय डिल्लीश्वर कुरुमवाङ (लिम्बु)सोही गाउँपालिका–३ बरबोटेस्थित बाटोमा बिहीबार मृत अवस्थामा फेला परेका छन् ।यस सम्बन्धमा प्रहरीले थप अनुसन्धान गरिरहेको छ ।00
