खुकुरी प्रहार गरी घाइते बनाएको अभियोगमा पक्राउ

सिन्धुली- आफ्नै भाइ ३० वर्षीय कुमार दाहाललाई धारिलो हतियार खुकुरी प्रहार गरी घाइते बनाएको अभियोगमा कमलामाई नगरपालिका-५ चिसापानी बस्ने ३५ वर्षीय दिपक दाहाललाई शनिबार दिउँसो प्रहरीले पक्राउ गरेको छ । दिपकले आफ्नै भाइलाई खुकुरी प्रहार गर्दा घाइते भएको भन्ने खबर प्राप्त हुनासाथ जिल्ला प्रहरी कार्यालय सिन्धुलीबाट खटिएको प्रहरीले उनलाई पक्राउ गरेको हो । घाइते कुमारको जिल्ला अस्पताल सिन्धुलीमा सामान्य उपचार पश्चात थप उपचारको लागि धुलिखेलतर्फ पठाइएको छ । यस सम्बन्धमा प्रहरीले थप अनुसन्धान गरिरहेको छ ।