दोलखाको मालुबाट राजधानी जादै गरेको हायस मुलकोटमा दुर्घटना, ३ जनाको अवस्था गम्भिर

रामेछाप – दोलखाको तामाकोसी गाउँपालिका मालुबाट काठमाडौँ तर्फ जादै गरेको हायस मुलकोटमा दुर्घटना भएको छ ।बा ३ ख ४६१२ नम्बरको हायस विपि राजमार्ग स्थित सुनकोशी गाउँपालिका ५ मुलकोटमा आफै अनियन्त्रीत भइ दुर्घटना हुदाँ रामेछाप लिखु तामाकोसी गाउँपालिकाका एक सहित तीन जना गम्भिर घाइते भएका छन् भने गाडीमा सवार ९ जना सामान्य घाइते भएका प्रहरीले जनाएको छ ।
गम्भिर घाइते हुनेहरुमा गाडी चालक दोलखा मेलुङ गाउँपालिका ८ का ३४ वर्षिय कुल नारायण श्रेष्ठ, गाडिमा सवार रामेछाप लिखु तामाकोशी गाउँपालिका ६ की २१ वर्षिय गृस्मा खत्री,र दोलखा मेलुग गाउँपालिका ७ बस्ने ६३ वर्षिय भवानि प्रसाद भण्डारी रहेका छन् ।उनीहरुलाई उपचारका लागि भक्तपुर इन्टरनेशनल अस्पताल पठाइएको छ । यस्तै गाडिमा सवार दोलखा मेलुङ गाउँपालिका वडा नम्बर ७ का २० वर्षिय बाबु काजि खड्का,वडा नम्बर ८ का ३० वर्षिय चुडामणि बस्नेत र वडा नम्बर ५ की २१ वर्षिय रन्जिता मगरको अवस्था भने सामान्य रहेको छ । उनीहरुको पनि भक्तपुर इन्टरनेशनल अस्पतालमा उपचार भइरहेको छ ।गाडिमा चालक र सहचालक सहित जम्मा १५ जना सवार रहेका थिए । घाइतेमध्य दोलखा मेलुङ गाउँपालिका ६ का ३३ वर्षिय सन्तोष श्रेष्ठ उपचार पछि डिस्चार्ज भएका छन्।
पुस्कर खड्का,नाइल खबरबाट साभर