मानव सेवा सांगितिक यात्रामा प्रेस युनियन बाँके शाखाको साथ

नेपालको चर्चित व्याण्ड नेपथ्यको बाँकेको नेपालगंजमा मंसिर २९ गते मानव सेवाको लागि हुन गैरहेको मानव सेवा सांगितिक यात्रालाई नेपाल प्रेस युनियन बाँके शाखाको साथ रहेको बताइएको छ । नेपाल प्रेस युनियन बाँके शाखाका अध्यक्ष अर्जुन ओलीले एक छलफलका क्रममा उक्त कुरा बताएका हुन । शाखाका अध्यक्ष ओलीले मानव सेवा आश्रमले नेपालगंजमा रंगशालामा गर्न लागेको मानताका लागि सांगितिक यात्रा कन्सर्टलाई प्रेस युनियन बाँके शाखाको साथ र सहयोग रहेको बताए ।यसैगरी उक्त छलफलमा युनियनका सचिव विजय मल्लले नेपालगंजमा आयोजना हुन लागेको सांगितिक प्रस्तुत मनोरञ्जन मात्रै नभएर एउटा असल उदेश्यले आयोजना हुन लागेको हुदाँ सबैको साथ र सहयोग हुने पर्ने बताए । छलफलमा बोल्दै युनियन बाँके शाखाका कोषाध्यक्ष मधु पौडेलेले आर्थिक रुपमा पत्रकारहरुले केही गर्न नसकेको पछि समाचार र प्रचारप्रसारका माध्यमबाट सांगितिक यात्रालाई सहयोग गर्दे आएको हुदाँ बाँकेका सबै पत्रकारहरु यसक लागि धन्यवादका पात्र भएको बताए ।नेपथ्य ब्याण्डका चर्चित गायक अमृत गुरुङ सहित छ जना कलाकार सगै प्राविधिक र व्यवस्थापकहरुको समुह गरेर ७० जनाको टिम सहित नेपालगंज आइ सकेको व्याण्डले मानवताको लागि नेपथ्य लाइभ कन्सर्ट दिने छ । यस अघि विराटनगर,वीरगंज ,हेटौडा र चितवनमा हजारौ दर्शकका बीच भव्य कार्याक्रम सम्पन्न भैसकेका छ । नेपथ्य ब्याण्ड नेपाल र विश्वभरि छरिएका नेपालीहरुमाझ लोकप्रिय लोक रक संगाीत टोली हो ।सहयोगापेक्षी सडक आश्रित मानवहरुको सेवामा सबैलाई जागरुक गराउन र मानवता प्रवद्र्धन गर्ने अभिष्ट सहित महिनादिन लामो नेपाल भ्रमण अन्तर्गत नेपालगंजमा पाँचौ प्रस्तुति हुन लागेको हो । नेपाल प्रेस युनियन बाँके शाखाको छलफलमा नेपाल प्रेस युनियनका उपाध्यक्ष समिर मान श्रेष्ठ,सदस्य सध्या शर्मा र गणेश राई लगायतको उपस्थित रहेको थियो ।