spot_img
Wednesday, February 1, 2023
Homeब्यानरनेपालगंज उपमहानगरपालिकाद्धारा एकिकृत स्वास्थ्यजन्य फोहरमैला व्यवस्थापन केन्द्र सञ्चालन

नेपालगंज उपमहानगरपालिकाद्धारा एकिकृत स्वास्थ्यजन्य फोहरमैला व्यवस्थापन केन्द्र सञ्चालन

spot_img

नेपालगञ्जमा एकीकृत स्वास्थ्यजन्य फोहरमैला व्यवस्थापन केन्द्र सञ्चालनमा आएको छ । जिआइजेडको सहयोगमा नेपालगञ्ज उपमहानगरपालिकाले आजदेखि एकीकृत स्वास्थ्यजन्य फोहरमैला व्यवस्थापन केन्द्र सञ्चालनमा ल्याएको हो । केन्द्रको आज एक कार्यक्रमका बीच नगर प्रमुख प्रशान्त विष्टले उद्घाटन गरेका छन ।

एकीकृत स्वास्थ्यजन्य फोहरमैला व्यवस्थापन केन्द्रको उद्घाटन गर्दै नगर प्रमुख विष्टले अन्य फोहरको तुलनामा स्वास्थ्यजन्य फोहर सबैभन्दा बढी दुषित र संक्रामक हुने भएकाले आफूहरु निर्वाचित भइसकेपछि यसको व्यवस्थापनलाई मुख्य प्राथमिकतामा राख्दै तदारुकताका साथ काम गरेर सञ्चालनमा ल्याइएको बताए। नगर प्रमुख विष्टले नेपालगञ्ज उपमहानगरपालिका कार्यपालिकाको सिंगो टिम नेपालकै नमुनाको रुपमा स्वास्थ्यजन्य फोहरमैला व्यवस्थापन केन्द्र सञ्चालन गर्न सफल भएको बताए ।
उनले फोहरमैला व्यवस्थापनको काममा नेपालगञ्ज उपमहानगरपालिका एक कदम अगाडि बढेको बताए । फोहरमैला व्यवस्थापनलाई मुख्य प्राथमिकतामा राखेको उल्लेख गर्दै नगर प्रमुख विष्टले सबै सरोकारवालासंग समन्वय गरेर फोहरमैला व्यवस्थापनमा अब ठोस निर्णय गरेर अगाडि बढ्ने बताए ।

नेपालगञ्ज उपमहानगरपालिका वडा नम्बर २३ हिरमिनियास्थित ल्याण्डफिल साइट परिसरमा अस्पतालबाट निस्कने फोहरमैला व्यवस्थापन गर्ने उद्देश्यका साथ एकीकृत स्वास्थ्यजन्य फोहरमैला व्यवस्थापन केन्द्र सञ्चालनमा ल्याइएको वातावरण इन्जिनियर प्रकाश डिसीले बताए ।

फोहरमैला व्यवस्थापन केन्द्र सञ्चालनका लागि जिआइजेडले २ वटा अटो क्लेब मेसिन र एउटा बेलर मेसिन सहयोग गरेको छ । नेपालगञ्ज उपमहानगरपालिकाले संरचना निर्माण गरेको हो । संरचना निर्माणमा ४६ लाख लागत लागेको डिसीले बताए। स्वास्थ्यजन्य फोहरमैला व्यवस्थापन केन्द्र सञ्चालनको जिम्मा १० बर्षका लागि स्वच्छ नेपाल हाम्रो अभियान नामक संस्थालाई दिइएको छ ।

स्वास्थ्यजन्य फोहरमैला व्यवस्थापन केन्द्र सञ्चालनमा आएपछि अस्पतालबाट निस्कने फोहरमैला व्यवस्थापनको टाउको दुःखाई अन्त्य भएको छ । नेपालगञ्जका अस्पतालबाट निस्कने स्वास्थ्यजन्य फोहर अब यहीँ व्यवस्थापन हुनेछ । नेपालगञ्जलाई स्वास्थ्य हबको रुपमा विकास गर्ने लक्ष्य लिइएकोमा यसको सञ्चालनले थप टेवा पुग्ने विश्वास लिइएको छ ।

- Advertisement -spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img
- Advertisement -spot_img
हामीसँग जोडिनुहोस्
सिफारिस
- Advertisement -spot_img
सम्बन्धित समाचार
- Advertisement -spot_img

LEAVE A REPLY

Please enter your comment!
Please enter your name here