प्रतिनिधि सभा र प्रदेश सभा निर्वाचनको मतगणना स्थललाई तारजालीले घेरिएको छ । मतपत्र सुरक्षाका लागि निर्वाचन आयोगको परिपत्र अनुसार सबै ठाउँमा यस्तो ब्यवस्था गरिएको हो ।
मतगणनाका लागि नेपालगन्जस्थित भेरी प्राविधिक शिक्षालयको सभाहललाई तयारी अवस्थामा राखिएको बाँकेका मुख्य निर्वाचन अधिकृत धनसिंह महराले जानकारी दिए । मतपत्र सुरक्षाका लागि तारजालीले घेर्नु परेको उनले बताए । तारजाली भित्र निर्वाचन आयोगका गणकले मतगणना गर्नेछन्, भने उम्मेदवारका प्रतिनिधीहरु तारजाली बाहिर बसेर रुजु गर्नेछन् ।
गत बैशाख ३० गते सम्पन्न स्थानीय तहको निर्वाचनमा पनि यसरी नै मत गणनास्थललाई तारजालीले घेरिएको थियो । २०७४ सालको स्थानीय तह निर्वाचनमा चितवनमा मत पत्र च्यातेको घटनापछि आयोगले देशभर अनिवार्य रुपमा मत गणनास्थलमा तारजाली लगाउने ब्यवस्था सुरु गरेको हो ।
00
