सुचना प्रविधिको जानकारी लिन पुगे विद्यार्थी महोत्सव स्थल

बाँकेको नेपालगंजमा विगत आठ दिन देखि प्रादेशिक महोत्सव संचालनमा रहेको छ । व्यवासीक प्रवद्धन तथा नेपालगंजलाई अन्य प्रदेशमा समेत चिनाउनका लागि समेत सहयोग सिद्ध हुदै आएको महोत्सवमा मनोरञ्जनमात्रै नभएर स्थानिय उत्पादन देखि सुचना प्रविधिलाई समेत महोत्सवको उदेश्यका रुपमा राखिएको छ ।दैनिक हजारौको दर्शकहरुलेका उपस्थितिमा संचालनमा आइरहेको महोत्सवमा विहिबार प्रादेशिक महोत्सव २०८१ भित्र रहेको बृहत सुचना सञ्चार प्रविधि प्रदेशनी आइएनजीस्क्रीन क्यान इन्फोटेकको अवलोकन गर्न र जानकारी लिन विद्यार्थीहरु नेपालगंज सुर्खेत रोडस्थित सडक विभाग परिसरमा संचालनमा आएको महोत्वसमा विद्यार्थीहरु पुगेका छन । क्यान महासंघ बाँकेले संघसँगको सहकार्यमा महोत्सवमा सुचना प्रविधिबारे जानकारी लिन बुधबार र विहिबार नेपालगंजका विभिन्न कलेज र विद्यालयका विद्यार्थीहरुलाई सहभागी गराउँदै आएको क्यान महासंघ बाँकेका अध्यक्ष यज्ञराज जोशीले बताए । प्रविधि कम्पनी तथा संघसंस्थाहरुले आफ्नो उत्पादनको प्रवद्धनसँगै विशेष छुट र उपहार घोषणा गरेको समेत अध्यक्ष जोशीले बताए ।महोत्सवमा जारी व्यवसायी प्रदर्शनीमा इन्टरनेट सेवाप्रदायक स्थानीइ सफ्टवेयर ,कम्प्युटर तथा एक्सेसरिज ,आइटी विश्वविद्यालय र कलेज, कन्सल्टेन्सी,स्टार्टअप तथा इनोभेसन,नेटवर्किङ तथा सिसीटीभी सर्विलेन्स उत्पादन लगायतका स्टलमा अवलोकनकताको आकर्षण देखिएको क्यान महासंघ बाँकेका सचिव रमेश क्षेत्रीले जानकारी दिए । क्यान महासंघ बाँकेका अनुसार भाग्यउदयबाट एक विद्यालयलाई ७५ इन्चको स्मार्ट बोर्ड उपहार दिने घोषणा समेत गरेको छ ।
इन्फोटेकका अवलोकन कर्ताका लागि आइटी पढ्न चाहने विद्यार्थीहरुलाई १० देखी १०० प्रतिशतसम्मको छात्रवृत्ति दिने लुम्बिनी विश्वविद्यालय र नेपालगंज क्याम्पसले घोषणा गरेका छन ।महोत्सवमा सुचना प्रविधिका २८ वटा स्टल रहेको संघका अध्यक्ष टंक धामीले जानकारी दिए । प्रादेशिक महोत्सवका प्रचार संयोजक डम्बरबहादुर चन्दले सुचना प्रविधका स्टलमा नयाँ नयाँ प्रविधि समावेश गरेकाले युवा र विद्यार्थीहरुको बढि बढि चासो र रुचीको विषय बन्दै आएको बताउँछन । संयोजक चन्दले सुचना प्रविधि सम्बन्धीको बारेमा जानकारी लिन चाहने सबैलाई महोत्सव अवलोकन गर्न समेत आग्रह गर्दछन ।