यातायात व्यवस्था विभागले देशभरका यातायात कार्यालयबाट दिने सबै सेवा अनिश्चितकालका लागि बन्द गर्ने भएको छ । सर्भरहरुमा विद्युतीय समस्या देखिएको भन्दै विभागले बुधबार अपरान्ह ५ बजेदेखि सबै सेवा बन्द गर्ने निर्णय गरेको हो । समस्या समाधान नभएसम्मका लागि सबै सेवा अवरुद्ध हुने जानकारीका लागि अनुरोध छ,विभागका प्रवक्ता लोकनाथ भुसालले सुचना जारी गरी भनेका छन् । यसअघि विभागले लाइसेन्सका लागि नयाँ आवेदन लिन बन्द गरेको थियो । अब सवारी दर्ता,नामसारी,नवीकरण र कर भुक्तानीसहितका सबै सेवा अनिश्चितकालका लागि बन्द हुने भएको हो .
00
