बाँके कांग्रेस प्रदेशसभा क्षेत्र १(क)को सभापतिमा लक्ष्मण थारु निर्वाचित

नेपाली कांग्रेस बाँके प्रदेशसभा क्षेत्र १(क) को सभापतिमा लक्ष्मण थारु निर्वाचित भएका छन् ।आइतबार भएको निर्वाचनबाट १२५ मतका साथ थारु सभापति निर्वाचित भएका हुन् । उनका प्रतिद्वन्दी जुगलाल चौधरीले ११४ मत पाएका छन् । पदाधिकारी सबैमा थारुकै प्यानल निर्वाचित भएको छ । उपसभापतिमा अम्बर बहादुर बुढाथोकी र मान बहादुर खड्का, सचिवमा गंगाराम थारु र भोला प्रसाद मौर्य तथा सहसचिवमा दिलावती थापा र वावुराम कुर्मी विजयी भएका छन् । २५० मतदाता रहेको प्रदेशसभा क्षेत्र १ (क) मा २४४ मत खसेको थियो ।