बस दुर्घटनामा २ जनाको मृत्यु, ३५ जना घाइते

सिन्धुपाल्चोक जिल्ला सुनकोशी गाउँपालिका–३ छापागाउँस्थित सडकमा बा.३ ख ८०३० नम्बरको बस आफैँ अनियन्त्रित भई सडकबाट करिब २५ मिटर तल खसेर बुधबार बिहान दुर्घटना हुँदा हाल नाम, थर, वतन नखुलेका २ जना पुरुषको मृत्यु भएको छ ।
जिल्ला प्रहरी कार्यालय सिन्धुपाल्चोकबाट खटिएको प्रहरीले दुर्घटनामा घाइते भएका ३७ जनालाई उद्धार गरी २२ जनालाई धुलीखेल अस्पताल र १५ जनालाई सिन्धु सदाबहार अस्पताल खाडीचौर पठाएकोमा धुलिखेलमा उपचाररत २ जनाको मृत्यु भएको हो । दुर्घटनाका सम्बन्धमा थप अनुसन्धान भैरहेको प्रहरीले जानकारी गराएको छ ।