बर्दिया/ बर्दियाको बढैयातालबाट लागूऔषध सहित एक युवक पक्राउ परेका छन । बढैयाताल गाँउपालिका–६ मैनापोखर बजारबाट दुई किलो ९६ ग्राम चरेश सहित एक युवकलाई ईलाका प्रहरीले नियन्त्रणमा लिएको हो ।
लागूऔषध चरेश जस्तो देखिने पदार्थ सहित जाजरकोट जुनिचाँदी गाँउपालिका–५ मैफका १९ वर्षिय कृष्ण थापालाई प्रहरीले पक्राउ गरेको हो ।
उनलाई शनिवार बेलुकी उक्त पदार्थ सहित बजार क्षेत्रबाट ईलाका प्रहरी कार्यालय मैनापोखरले पक्राउ गरेको हो ।
इलाका प्रहरी मैनापोखका निरीक्षक राजेश साहुका अनुसार सय दिनको अन्तरालमा ३३ वटा लागूऔषधका मुद्दा दर्ता भएको छ । जसमा २ जना महिला सहित ५१ जना प्रतिवादी रहेका छन ।
यस अवधीमा ब्राउनसुगर ३७ ग्राम ६५० मिलिग्राम, चरेश २ के।जि। १०६ ग्राम र गाँजा १६ के।जि। ६५४ ग्राम बरामद गरिएको इलाका प्रहरीको तथ्यांक छ ।
सय दिनको अन्तरालमा विभिन्न मितिमा फैसला भई विभिन्न मुद्दामा फरार रहेका ३६ जना फरार प्रतिवादी पक्राउ गरि सम्मानीत जिल्ला अदालत पठाईएको छ । भने कुल ३२ वर्ष १० महिना ४ दिन कैद सजाय पाएका र एक लाख ९५ हजार ४ सय १७ रुपैँया जरिवाना असुल भएको प्रहरी निरीक्षक साहुले जानकारी गराए ।
यस्तै, १४ लाख १४ हजार ८ सय ४२ रुपैँया बराबरको भन्सार छलि भई बरामद गरेको सामानहरु भन्सार दाखिला भएको इलाका प्रहरीले जनाएको छ ।
