बद्री पंगनीको प्रस्तुतीमा नाचे नेपालगजमा पारखीहरु

लोक दोहोरीको क्षेत्रमा निकै ख्याती कमाएका लोक गायक बिहिबार बाँकेको नेपालगंजमा जारी लुम्बिनी प्रादेशीय महोत्सवमा आफ्नो प्रस्तुती दिएका छन । प्रोदेशिक महोत्सवको आठौ दिनमा निकै व्यस्त रहेका पंगेनीलाई दर्शकहरुको अनुरोधमा महोत्सवमा आमन्त्रण गरीएको नेपालगंज उद्योग वाणिज्य संघका कोषाध्यक्ष तथा महोत्सव सास्कृतिक समुहका संयोजक मख्खन धामी बताउँछन ।पंगेनीका निकै चर्चित गीत तिम्रो राशी तुला रै छ लगायतका गीतमा दर्शक लगायत आयोजकलाई समेत नचाएका थिए ।यसैगरी अर्का सुदुरपश्चिम लगायत पछिल्लो समय नेपाल तथा विदेशमा समेत प्रसिद्ध रहेका देउडा गायक लालबाहादुर धामी(आछामी वड्डा)ले देउडा गीतबाट उपस्थिति सबैलाई नचाएका थिए । कार्यक्रममा स्थानिय चेलीका रुपमा परिचित लोक गायिक सपना शाही र लोक गायिका अनिता चलाउने समेत आफ्नो मिठो र सुन्दर प्रस्तुती दिएका थिए । लोक गायिका शाहीले हामीसँग कुरा गर्दै आयोजकलाई धन्यवाद समेत दिन भ्याएकी थिइन ।लोक गायिक शाहीले बाँकेसँग आफ्नो सम्बन्ध निकै पुरानो रहेको समेत बताइन । महोत्सवको मनोरञ्जकको पाटोमा हेमराज अधिकारी(खन्टे खलास समुह) र भीम विष्ट( अछामी रेखा)ले समसामयिक विषयमा हास्यव्यङग्य सहित दर्शनहरुलाइ हसाउने देखि लिएर सामाजिक शिक्षा समेत दिएका थिए । नेपालगंज उद्योग वाणिज्यसंघका कोषाध्यक्ष समेत रहेका साँस्कृतिक व्यवस्थापन समितिका संयोजक धामीका अनुसार महोत्सवको नवौं दिन शुक्रबार चर्चित लोकगायक पशुपति शर्मा, लोकदोहोरी गायिका रुपा घर्ती मगर, लोक पप गायक टंक तिमिल्सैना, डान्सर अन्जु सुनारको प्रस्तुती पनि हुनेछ ।