बाँके जिल्ला नेपालगन्ज उपमहानगरपालिकाका सुरक्षा गार्ड ब्राउन सुगरसहित पक्राउ परेका छन् । नेपालगंज शहरको सुर्खेत रोड वीपीचोक नजिकै रहेको जिल्ला शिक्षा इकाई अगाडिबाट सुरक्षा गार्ड कृष्ण जिसी बुधबार विहान पक्राउ परेका हुन् ।
जिसीलाई तीन ग्राम ब्राउनसुगरसहित पक्राउ गरिएको बाँके प्रहरीले जनाएको् छ । भुतपुर्व आर्मी जिसी राती उपमहानगरपालिकामा डिउटी गरेर त्यही सुतेका थिए । उपमहानगरपालिकाको क्वटरबाट निस्केका जिसी केहीबेरपछि ब्राउनसुगरसहित पक्राउ परेका थिए ।
जिसीमाथि थप अनुसन्धान भइरहेको प्रहरीले जनाएको छ । लागु औषधी ब्राउनसुगर कारोबारमा नेपालगन्ज यस क्षेत्रकै प्रमुख शहरको रुपमा गनिने गरेको छ । खुला सिमानाका भएको हुदाँ बाँकेमा लागुपदार्थको बजारीकरणमा सहज भएको देखिन्छ ।
00
