नेपाल पत्रकार महासंघको सदस्यतामा देखिएको विवादलाई विधान अनुसार टुंगोमा नपुर्याई महासंघले निर्वाचन कार्यतालिका र मतदाता सार्वजनिक गरेकोमा नेपाल प्रेस युनियनले गम्भिर ध्यानाकर्षण भएको जनाएको छ ।
महासंघका शाखा र प्रदेशले सिफारिस गरेका सदस्यलाई हटाएर महासंघको केन्द्रीय समितिले कुनै संरचनाले सिफारिस नगरेका गैर पत्रकारलाई समावेश गरेर सार्वजनिक गरिएको मतदाता नामावलीप्रति युनियनले असहमति जनाएको छ । युनियनका कार्यबाहक अध्यक्ष प्रेम केसीले महासंघका अध्यक्ष विपुल पोख्रेललाई शनिबार ध्यानाकर्षण पत्र बुझाएका हुन् ।
उक्त पत्रमा महासंघका शाखा र प्रदेश समितिले विधान बमोजिम सिफारिस गरेका सदस्य कायम गरी मतदाता नामावली सार्वजनिक गर्नुपर्ने, शाखा र प्रदेशको सिफारिसमा छुटेका सक्रिय पत्रकारलाई उजुरी, प्रमाणका आधारमा महासंघको विधान अनुसार सदस्यता नविकरण तथा नयाँ सदस्यता दिनुपर्ने लगायत ५ बुँदे माग राखिएको छ ।
![](https://madhurkhabar.com/wp-content/uploads/2024/06/cd-715x1024.jpg)