जुवातास खेलिरहेको अवस्थामा पक्राउ

कास्की जिल्ला माछापुच्छ्रे गाउँपालिका–२ तातोपानीस्थित तातोपानी ईन होटलमा जुवातास खेलिरहेको अवस्थामा स्याङ्जा हरिनाश गाउँपालिका–३ बस्ने २८ वर्षीय कमल भण्डारी लगायत ११ जनालाई बुधबार बिहान प्रहरीले पक्राउ गरेको छ । उक्त होटलमा जुवातास खेल्ने खेलाउने गरेको भन्ने सूचनाको आधारमा जिल्ला प्रहरी कार्यालय कास्कीबाट खटिएको प्रहरीले उनीहरुलाई नगद १५ लाख २४ हजार ७० रुपैयाँ र तास सहित पक्राउ गरेको हो ।
यसैगरी मोरङ जिल्ला विराटनगर महानगरपालिका११ बसपार्कस्थित न्यू ताप्लेजुङ होटलमा तास खेलिरहेको अवस्थामा सिन्धुली भिमफेदी बस्ने ३८ वर्षीय मोतिलाल श्रेष्ठ लगायत ४ जनालाई बिहीबार बिहान प्रहरीले पक्राउ गरेको छ । उक्त होटलमा जुवातास खेलिरहेको भन्ने खबर प्राप्त हुनासाथ वडा प्रहरी कार्यालय ‘क’ विराटनगरबाट खटिएको प्रहरीले उनीहरुलाई नगद ८८ हजार ४ सय २० रुपैयाँ र १ बुक तास सहित पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।