आगलागीबाट धनमाल जलेर नष्ट

झापा –मेचीनगर नगरपालिका–६ बर्मेलि टोलस्थित श्याम खेतानको एसएस फुटवेर जुत्ता फ्याक्ट्रीको गोदाममा बिहीबार दिउँसो आगलागी भएको छ ।
आगलागीको खबर प्राप्त हुनासाथ ईलाका प्रहरी कार्यालय काँकरभिट्टा, ईलाका प्रहरी कार्यालय धुलाबारी, सशस्त्र प्रहरी बल नेपाल र नेपाली सेना समेतको टोलीले विभिन्न ४ वटा दमकलको सहयोगमा आगो निभाउने कार्य गरिरहेका छन् । यो समाचार तयार पार्दासम्म आगलागीबाट भएको क्षतिको विवरण हाल खुलेको छैन ।यस सम्बन्धमा प्रहरीले थप अनुसन्धान गरिरहेको छ ।