नेपाल पे्रस युनियन बाँकेले युनियनको ३१ औं स्थापना दिवस विभिन्न कार्यक्रम गरी मनाएको छ । नेपाल प्रेस युनियन बाँकेले शुक्रबार स्थापना दिवसको दिन पारेर रक्तदान कार्यक्रम सम्पन्न गरेको छ । नेपालगंज उपमहानगरपालिकाका मेयर प्रशान्त विष्टको उपस्थितिमा रक्तदान कार्यक्रमको आयोजना गरेको प्रेस युनियनका सचिव विजय मल्लले जानकारी दिए । सचिव मल्लका अनुसार ३८ जनाले रक्तदान गरेको जनकारी गराए । यसैगरी शुक्रबार अपरान्ह बाँके प्रेस युनियनले स्थापना दिवसको अवसर पारेर शुभकामना आदान प्रदान तथा २०७९ सालको पात्रो विमोचन गरेको छ ।नेपाल प्रेस युनियनका अध्यक्ष अर्जुन ओलीको सभापतित्वमा सम्पन्न शुभकामना आदान प्रदान तथा पात्रो विमोचन कार्यक्रम नेपाली कांग्रेसका सहमहामन्त्री किशोर सिंह राठौरको प्रमुख आतिथ्यमा सम्पन्न भएको थियो भने कार्यक्रममा कांग्रेस केन्द्रिय सदस्य मैकुलाल बाल्मिकी,कांग्रेस बाँके सभापति नारायण प्रसाद गौडेल,प्रेस युनियनका केन्द्रिय सदस्य जयसिंह केसी लगायतले मन्तव्य राखेका थिए ।
